We want tae mak siccar that as mony folk as can is able tae find oot aboot whit the Scottish Pairlament dis and whit wey it warks. We hae producit information anent the Pairlament in a reenge o different leids tae help ye tae find oot mair.

This section o wir wabsite introduces ye til the information that is tae haun on wir wabsite in Scots.

Gettin involvit in the Scottish Pairlament

We hae producit a publication cried "Makkin Yer Voice Heard in the Scottish Pairlament” that tells ye aboot the different weys that ye can let the Pairlament and the Memmers o the Scottish Pairlament (MSPs) ken whit ye think.

Follae this link for tae look til the publication "Makkin Yer Voice Heard in the Scottish Pairlament” in Scots.

Visitin the Scottish Pairlament in Edinburgh

Ye are walcome tae visit the Pairlament tae hae a keek roon or find oot aboot whit wey the Pairlament warks.

We want tae mak siccar that awbody is able tae visit the Scottish Pairlament biggin. Wir premises is awready designit tae be as accessible as possible. Hooanever, gin ye are disablit and hae ony specific requirements, ye’re gey walcome tae contact us afore yer visit.

Follae this link for mair information anent visitin the Pairlament biggin in Edinburgh.

Information producit by the Pairlament in Scots

Links tae ither documents producit by the Pairlament in Scots is ablow:

• SPCB Leid Policy
• Report on Inquiry intil the role o educational and cultural policy in uphaudin and bringin oot Gaelic, Scots and minority leids in Scotland (Volume 1) - Education, Culture and Sport Comatee (2nd Report 2003)
  Yon report wis producit by the Scottish Pairlament’s Education, Culture and Sport Comatee. It wis publishit in February 2003.