Anns an Earrann seo  Aithisg Oifigeil  Athchuingean  Bilean   Biùro na Pàrlamaid   Ceistean is Freagairtean Pàrlamaideach   Dòighean-obrach   Comataidhean   Gluasadan is Atharrachaidhean   Iris-ghnothaichean   An Seòmar-deasbaid   Pàipearan Rannsachaidh

Cuspairean Co-cheangailte  Geàrr-chunntasan an t-Seòmair-deasbaid   Geàrr-chunntasan Comataidh

Tha an Aithisg Oifigeil na clàr ùghdarrasail sgrìobhte de ghnothaichean uile Pàrlamaid na h-Alba agus de chomataidhean na Pàrlamaid, a’ gabhail a-staigh deasbadan air gluasadan is bilean, aithrisean ministreil , àm nan ceist, Ceistean dhan Phrìomh Mhinistear, rannsachaidhean comataidh agus seiseanan fianais.

Tha an Aithisg Oifigeil cha mhòr facal air an fhacal. Goirid as dèidh a’ chiad choinneamh aig a’ Phàrlamaid ann an 1999, mhìnich an t-Oifigear-riaghlaidh “ cha mhòr facal air an fhacal " mar a leanas:

" bu chòir ath-aithrisean agus faclan gun bhrìgh a bhith air am fàgail às, agus bu chòir do mhearachdan follaiseach a bhith air an ceartachadh cho fad  ' s a thathar a ' cumail brìgh na h-òraid.  Feum sgilean deasachaidh a bhith gan cleachdadh gu ìre; mar eisimpleir, faodaidh guth an labhraiche no cànan a ' chuirp a bhith a ' cur ri no a ' toirt air falbh bho na tha esan no ise ag ràdh, agus feumar seo a chomharrachadh ann an teacs sgrìobhte ann an dòigh air choireigin."

Bidh aithisgean de na deasbadan pàrlamaideach air am foillseachadh, agus thèid tionndaidhean air-loidhne a chur suas air làrach-lìn na Pàrlamaid aig 8:00 m air an ath latha-obrach. Thèid aithrisean de choinneamhan comataidh fhoillseachadh cho luath ' s a ghabhas às dèidh nan coinneamhan a rèir clàr-ama aontaichte. Airson barrachd fiosrachaidh, faodar fios a chur dhan aithisg oifigeil aig: official.report@scottish.parliament.uk.