Is e tachartas le Annie Lennox a’ phrìomh thachartas a bhios ann aig Fèis Poilitigs na bliadhna seo. Bidh Ms Lennox a’ bruidhinn mu a obair san t-strì an aghaidh HIV/AIDS ann an Afraga agus mun phròiseact SING aice.

Bidh an fhèis chliùiteach, a tha a-nis air a bhith a’ ruith airson ceithir bliadhna, a’ gabhail àite eadar 20 agus 23 Lùnastal, le tòrr dhaoine ainmeil bho phoileataigs, bho na h-ealain agus bho na meadhanan. Bidh an luchd-poilitigs Denis Healey agus Dùbhghlas Hurd a’ bruidhinn cho math ri neach-comadaidh Marc Thomas agus neach-naidheachd a’ Ghuardian Polly Toynbee.

Bu chòir Riaghaltas na h-Alba ro-innleachd a chur air dòigh airson lìonra-aiseig a bhios èifeachdach agus freagarrach airson an latha an-diugh a rèir aithisg le Comataidh Còmhdhail, Bunstructair is Atharrachadh Clìomaid na Pàrlamaid. Am measg nam molaidhean ann an aithisg ‘Seirbheisean Aiseig na h-Alba’, thathar a’ cur air adhart leasachaidhean a bu chòir a bhith air an dèanamh cho luath sa ghabhas.

Chaidh Aithisg Bhliadhnail Pàrlamaid na h-Alba 2007-2008 fhoillseachadh Dimàirt ann an Beurla agus Gàidhlig. ‘Se tuairisgeul a th’innte de dh’obair Taigh an Ròid  bho 9 Cèitean 2007 gu 8 Cèitean 2008 agus gheibhear earrannan innte air a’ Phàrlamaid ri a h-obair, a buaidh thall thairis ’s aig baile agus mar a bha i a’ dol an com-pàirt leis a’ phoball. Faodar lethbhreac den Aithisg Bhliadhnail a thoirt sìos bho làraich-lìn na Pàrlamaid agus tha cuid aca an clò rim faighinn tro iarraidh air Seirbheis Fiosrachaidh a’ Phobaill. Tha i ri fhaighinn sa Ghàidhlig no sa Bheurla.

Às dèidh 1,100 athchuinge agus le cha mhòr deichead ann bho chaidh Comataidh nan Athchuingean Poblach a stèidheachadh, thathar air obair rannsachadh mu athchuingean a chur air bhog. Chaidh gairm fianais fhoillseachadh an-diugh.

Chuir Comataidh a’ Cheartais gairm fianais a-mach Diciadain mar phàirt de a sgrùdadh air Bile Eucoirean Feise (Alba). Tha am Bile, air a chur a-steach le Riaghaltas na h-Alba, stèidhichte air molaidhean bho Choimisean Lagh na h-Alba gus an lagh a thaobh èigneachadh agus eucoirean feise ath-ùrachadh.

Is iad “Tadhlaibh air ur pàrlamaid” agus “Ur Pàrlamaid, Ur Sgoil” na prògraman foghlaim ùra againn do sgoiltean.  Faodaidh sibh turas a chur air dòigh don Phàrlamaid ann an Dùn Èideann no faodaidh sinne a thighinn don sgoil agaibh. Tha seiseanan foghlam ann mar phàirt de gach seisean agus bi cothrom ann coinneachadh ri BPA (cho fad ’s a tha e comasach dhaibh a bhith an làthair). Faodaidh sibh a chàradh airson tursan eadar an t-Sultain agus an Dùbhlachd 2008 bho Dhiluain 9mh Ògmhios. Tha na prògraman seo rim faighinn tron Ghàidhlig do dh'fhoghlam tro mheadhan na Gàidhlig agus do luchd-ionnsachaidh na Gàidhlig san sgoil.

Airson barrachd fiosrachaidh mu bhith a’ tadhail air a’ Phàrlamaid agus airson seiseanan a chlàradh, faicibh Education Programmes. 

Bidh a’ Phàrlamaid na fosadh eadar 28 Ògmhios agus 31 Lùnastal 2008. Rè an àm seo, cha bhi gnothaichean pàrlamaideach oifigeil ann ach bidh an togalach fosgailte do luchd-tadhail.

Ma tha thu airson tighinn don phàrlamaid, gheibhear fiosrachadh mu uairean fosglaidh, tursan treòraichte agus foillseachaidhean air loidhne. Ma tha sibh airson tighinn don Phàrlamaid, tha fiosrachadh mu na h-uairean fosglaidh, mu thursan treòraichte agus mun crèche ri fhaighinn air-loidhne .

Tha grunn fhoillseachaidhean rim faighinn sa Phàrlamaid a bhios feumail don thuras agad, a’ gabhail a-staigh ‘Faigh a-mach mu Phàrlamaid na h-Alba’. Tha na foillseachaidhean rim faighinn air-loidhne.